გიორგი შაქარაშვილის საქმიდან ახალი დეტალები საჯაროვდება, კერძოდ, ცნობილი გახდა 21- ე ტომის გამოკთთხვის ოქმები, სადაც მოწმე საუბრობს ორი პირის დიალოგზე. ჩვენების საფუძველზე ირკვევა, რომ ინციდენტის მონაწილე პირები რაღაცის “გადაგდებაზე” საუბრობდნენ, თუმცა მოწმე მათ ვინაობას კონკრეტულად ვერ ასახელებს: “როდესაც მე მათ გვერდით გავიარე, ახალგაზრდა მაღალი ბიჭი ეკითხებოდა ახალგაზრდა დაბალ ბიჭს – ის ხომ გადააგდეო. პატარამ ხელი უბიძგა და უთხრა გაჩუმდიო და გააგრძელა საუბარი – კიდევ კარგი გადავაგდეთო, თორემ დაგვენძრეოდაო. მაღალმა ბიჭმა გააგრძელა საუბარი და ამბობდა “ეს არ გვეთქვა ის ამბავიც შეიძლება, არ მომხდარიყოო. შაქარაშვილებმა, რომ გაიგონ მაგრად დაგვარტყამენო.” მე გავაგრძელე გზა, მეკეთა ყურსასმენები, მაგრამ იყო გათიშული და ვცდილობდი, მათი საუბარი მომესმინა, ვიყავი მათგან ზურგით და ვეღარ ვხედავდი, რა დროსაც ერთ-ერთმა ახალგაზრდამ თქვა, რომ ამირხანაშვილმა მაგრად ი….ა. მე არ გავჩერებულვარ, ავედი სახლში გადავიხედე აივნიდან და დავინახე, რომ ის ოთხი პიროვნება მოძრაობდა და მათთან იყო მეხუთე პიროვნებაც, მაგრამ მისი აღწერა არ შემიძლია,”- წერს მოწმე.
„ახალგაზრდა მაღალი ბიჭი ეკითხებოდა ახალგაზრდა დაბალ ბიჭს – ის ხომ გადააგდეო“ – ახალი დეტალები შაქარაშვილის საქმეში
